波士頓馬拉松2025｜Ryan圓夢之旅︰人生一定要跑一次

文︰Weak Ends Here跑手Ryan

每次比賽都是新經歷與新體驗，而這場重量級賽事亦唔例外，更唔同係今次整個過程，心情非常輕鬆，非常享受！原因是身體能力有限，做好成績機會好微，所以放低包袱，好好感受這場辛苦多時，先參與到的比賽。

當日天氣唔錯，溫度好適合比賽，路段名不虛傳，不停上落斜，好有挑戰性，而Boston係一個好熱鬧，氣氛極好的地方，幾乎每個路段都有不停的尖叫與打氣聲。

沿途過百下擊掌，令人好振奮，
繃緊的身體與心情，不自覺放鬆，
直到跑到尾段，遠望見到終點拱門一刻，感覺與第一次跑馬拉松一樣感動，終於來到，終於順利完成!

百感交集的感動與感觸，終於親身體驗與實現這場大部分跑手的夢想，人生一定要跑一次的波士頓馬拉松!!

馬拉松越攰越辛苦，就越想跑。因為最後無論跑成點，都係對自己一個交代。

得到的除左係好多成功感與滿足感，最重要係一段值得回味的回憶。當中除了賽前訓練，比賽過程，更加係出現過屋企人、隊友及戰友，大家的打氣與支持，共同努力的經歷係記一世!

最後亦一定要好好多謝從無放棄，一路堅持跑到這𥚃的自己。