TDS難度係點？廖科樂詳解153公里賽事細節
廖科樂在8月底出戰UTMB的TDS（全名Sur les Traces des Ducs de Savoie），賽事由意大利西北市鎮Courmayeur起步，終點為法國的Chamonix。
Google「TDS+難度」，搜尋結果是賽事總距離153公里及攀升海拔為9000米。想深入了解TDS而非兩個冷冰冰的數字，由「樂神」道出TDS的備戰情況、如何克服身體不適及汲取到的經驗，就最好不過。
圖片來源︰受訪者提供
部份路段設鐵鏈
TDS路線特色，對廖科樂而言是對越野技術有要求「唔屬於一條快線，除要克服歐洲大上大落地形外，複雜碎石路段亦不少。而中段部份路段為了安全，設鐵鏈作為輔助下坡 。」路況方面，中後段部份路段下坡時，要處理樹根及碎石路。基於前期已消耗不少體力，要在這種地形保持速度，需要技術層面較高。
歐洲地形對四頭肌負擔大，加上複雜路況，會令到雙腳負荷更大，跑手不容易適應。「樂神」認為要跑出好成績，不止要訓練速度，還需提升越野跑技術 。
試路可做好體能分配
備戰是重要的課題，廖科樂提早抵達當地適應，既可到比賽路段試路，較參考網上資料更加清楚體力控制分配 。鑒於歐洲地形大上大落，提早在當地訓練，亦有助肌肉反應適應。體能以外，心情平穩也不可忽視「因為長距離比賽需要平穩心情及狀態 」。今次應付TDS賽事，廖科樂團隊有一名當地支援者當司機及翻熱食物，另一人在CP站內處理裝備、衣物及食物等需要。
一度排名88
由於賽前試過頭段TDS比賽路段，廖科樂一直按策略去走，直至早上時精神狀態唔錯，「可以講話非常穩定推進，大約90-95公里有一個下坡路段，我同一個法國跑手一齊落山，我亦過咗佢 」。根據UTMB官網數據，廖科樂在第5至6個CHECK POINT Séez（47.4公里）開始超前不少選手，至Hauteluce（101.1公里）一度排113，整場比賽排名最高為88名。
要完成UTMB比賽，需要克服天氣。「樂神」一直注意運行中體溫，「在第一個晚上，直至上到最高點2600海拔，體感、速度、胃口、精神都理想，由於我比較熟悉前比賽部份，所以一件layer已經足夠 」。
飲山水致胃痛
大約中午12：00至下午1：00，天氣開始熱。歐洲多山水水喉，廖科樂飲了少量山水，胃部開始不適，不單反胃及嘔吐，更一直無法進食及飲用能量飲品 ，情況持續了多個小時，至Col de Tricot（132.9 KM）「樂神」排名一度跌至500名以外 。廖科樂回想在UTMB安道爾曾遇過同樣問題，當時也是天氣炎熱，飲用山上流下來的水。胃部就開始無法工作。當刻只好將速度完全放慢，步行緩緩前進，「試過食一片薑，進入CP飲暖湯，飲暖水，但亦會嘔吐。真正舒緩係CP瞓3小時，醒來胃部『揦住』的感覺消退」。
賽後回想細節，廖科練認為水溫及體溫的落差是關鍵︰「最大可能係因為山水流落嚟嘅時候比較凍 ，而人體喺比賽途中升溫加上天氣炎熱，導致出現胃病或者抽筋。呢一種胃病反應，與吸收過多能量膠導致反胃及嘔吐，係兩種唔同性質 。」
訓練方向正確 細節有改進空間
賽前廖科樂與教練預測可24-24.5小時完賽及進入TDS Top 50，因胃部不適而在中段起受影響，最終TDS完走時間為32小時20分鐘50秒，總排名453/1207。今次TDS之旅，令他了解到細節要處理得更好 ︰「下次在CP裝水後，可以等水溫變暖先會飲用，尤其晚上及正午炎熱天氣。比賽中途見到山水喉，都唔會再飲用 。我知道每個人體質不一樣，不過胃部不適問題在歐洲第二次出現 ，我會更加留意。」
高手總能汲取經驗，更懂得欣賞自己︰「訓練軌道正確，最深刻係到90公里，仍然可以保持穩定狀態，同埋比賽過程中對於爬升仲有技術路段可以發揮到理想水平。對於我下一年再返嚟比賽參考價值高 。」
You May Also Like
毅行者3大貼士｜毅行教室KK Chan陳國強分享經驗
《山中疤痕》紀錄片︱鄭明慧曾小強盼喚起關注香港山徑
