序章 ─ 計劃始動 重投訓練 二四渣馬 目標PB！︱Bodom跑誌
此系列主要是紀錄一下個在停練三年後，如何重新計劃一場全馬，當中主要包括訓練日程、進度檢視、裝備配置等等的分享。
首先介紹自己少少個人背景，我小時候是肥仔一名，中小學時主要玩各種球類運動，包括足球、籃球、壁球，到中五開始練跑，主項跑800m、1500m同5000m，PB為2’14”、4’42”同18’57”。但升上大學之後就逐漸荒廢跑步，直到16年因為工作關係，在Nike Media Team的帶領下開始重返跑界，及後輾轉間跟隨一義蔡達明教練有系統性地訓練，18、19年算是個人跑步生涯的一個小高峰，於19年渣馬成功跑到目標的3:23之後，10K PB亦都推到去38’17”，更加入了Asics Pacer Team，同一班高手一起訓練。
▼按此看圖輯▼
2019年校園跑 – 第一次10K sub40
加入Asics Pacer Team唔止有使命感，亦俾我認識到唔少高手，一齊訓練
喺蔡sir嘅訓練下成績突飛猛進，同3位隊友參加比賽仲贏到個隊際季軍
個人喺停練三年後，點樣重新計劃一場全馬
計劃追不上疫情
然而20年的一場疫情，所有比賽取消，亦令我的訓練從此再次中斷，雖然自上年年尾開始斷斷續續地走出去跑一下，但訓練量不足，加上確診了兩次武肺，狀態基本上等於零。隨住香港以至全球進入共存時期，見到不少朋友在過去幾個月成功跑到好成績，加上20年的全馬位在來屆是最後一年要用，種種原因推動我再次下定決心重新投入練跑，希望可以於明年1月的渣馬跑到個靚成績PB！
訓練計劃
基於體重在過去三年增長咗不少 (約30磅)，訓練初期會以減重減脂強化肌肉為重點，所以會以45至60分鐘慢跑為主課題，輔以泰拳、足球、籃球、單車、HIIT等等的交叉訓練，目標頭一個月後可以減輕10磅左右。
Day to 渣馬2024：231日
